లియో సందేశం: కామ్‌గా వార్‌కి సిద్ధం కండి

సౌతిండియా మోస్ట్ అవైటెడ్ పాన్ ఇండియా చిత్రంగా 'లియో' గురించి ఆసక్తిక‌ర‌ చ‌ర్చ సాగుతోంది. ద‌ళ‌ప‌తి విజ‌య్ న‌టించిన ఈ సినిమాకి విక్ర‌మ్ ఫేం లోకేష్ క‌న‌గ‌రాజ్ ద‌ర్శ‌క‌త్వం వ‌హించ‌డంతో స‌ర్వ‌త్రా ఉత్కంఠ నెల‌కొంది. ఇండియ‌న్ సినిమా బాక్సాఫీస్ రికార్డుల‌ను తిర‌గ‌రాసే స‌త్తా లియోకి ఉంది అంటూ ఒక వ‌ర్గం విశ్లేషిస్తోంది. అందుకు త‌గ్గ‌ట్టే ఇంత‌కుముందు విడుద‌ల చేసిన లియో పోస్ట‌ర్లు, టీజ‌ర్ ప్ర‌తిదీ ఎంతో ఆక‌ట్టుకున్నాయి.

తాజాగా మ‌రో కొత్త పోస్ట‌ర్ ని లియో బృందం విడుద‌ల చేయ‌గా అది వైర‌ల్ గా మారింది. కొత్త పోస్టర్‌లో విజయ్‌ని అద్భుతమైన అవతార్‌లో ప్రదర్శించారు. దీనికి క్యాప్షన్ ఆస‌క్తిక‌రం. ''నిశ్శ‌బ్ధంగా ఉండండి.. యుద్ధానికి సిద్ధం కండి'' అని క్యాప్ష‌న్ ఇచ్చారు. పోస్టర్లపై ప్రదర్శించిన క్యాప్షన్‌ల ఆధారంగా ఈ సినిమా భారీ యాక్ష‌న్ ఎంట‌ర్ టైన‌ర్ అని అర్థ‌మ‌వుతోంది. అలాగే అభిమానులు ఎవ‌రికి వారు లియో క‌థ గురించి ర‌క‌ర‌కాల‌ సిద్ధాంతాలను ఊహిస్తున్నారు. ఈ సినిమా ఆడియో లాంచ్‌ను చెన్నైలో త్వరలో నిర్వహించనున్నట్టు ప్రచారం జరుగుతోంది కానీ.. ఇంతవరకూ ఏదీ ప్రకటించలేదు. ఇది పాన్-ఇండియన్ చిత్రం కాబట్టి మేకర్స్ సినిమాను దేశవ్యాప్తంగా ప్రమోట్ చేయాలని అభిమానులు కోరుకుంటున్నారు. సితార ఎంటర్‌టైన్‌మెంట్స్ ఈ చిత్రాన్ని తెలుగు రాష్ట్రాల్లో విడుదల చేయనుంది.

సెవెన్ స్క్రీన్ స్టూడియో ప‌తాకంపై ఎస్.ఎస్.లలిత్ కుమార్ లియోను నిర్మించారు. ఈ చిత్రంలో త్రిష కృష్ణన్, సంజయ్ దత్, అర్జున్ త‌దిత‌రులు కీలక పాత్రలు పోషించారు. ఈ చిత్రాన్ని స్టాండర్డ్ అలాగే ఐమాక్స్ ఫార్మాట్‌లలో అక్టోబర్ 19న గ్రాండ్ రిలీజ్ చేయనున్నారు. అనిరుధ్ రవిచందర్ సంగీత స్వరకర్త. పాట‌ల‌కు చ‌క్క‌ని స్పంద‌న ద‌క్కింది. సైలెంట్ గా యుద్ధానికి సిద్ధ‌మ‌వుతున్న లియో చిత్రం జ‌వాన్ త‌ర్వాత పాన్ ఇండియా విజ‌యాన్ని త‌న ఖాతాలో వేసుకుంటుందా? క‌లెక్ష‌న్ల సునామీ సృష్టిస్తుందా? అన్న‌ది ఇప్ప‌టికి స‌స్పెన్స్. ఉత్త‌రాది ఆడియెన్ కి క‌నెక్ట్ చేయ‌డంలో క‌న‌గ‌రాజ్ - విజ‌య్ బృందం స‌ఫ‌ల‌మైతే ఆశించిన‌ది సాధించిన‌ట్టే. కానీ అది జ‌రుగుతుందా? అన్న‌ది ఇప్ప‌టికి స‌స్పెన్స్.