అఫీషియల్: నాగచైతన్య - శోభిత.. ఫోటోతో గుడ్ న్యూస్ చెప్పిన నాగ్

టాలీవుడ్‌ యువ హీరో అక్కినేని నాగచైతన్య రెండో వివాహం గురించి చాలా కాలంగా జరుగుతున్న ఊహాగానాలకు అడ్డుకట్ట పడింది. ఈరోజు అఫీషియల్‌గా అక్కినేని నాగార్జున ప్రకటించిన ప్రకారం, నాగచైతన్య - శోభిత ధూళిపాళ్ల ఎంగేజ్‌మెంట్ విజయవంతంగా జరిగింది. ఈ సందడిలో మొత్తం కుటుంబం ఆనందంగా ఉంది.

ఈ ఉదయం 9:42 గంటలకు నాగచైతన్య - శోభిత ధూళిపాళ్ల నిశ్చితార్థం అక్కినేని నాగార్జున ఇంట్లో కుటుంబ సభ్యుల సమక్షంలో జరిగింది. ఈ అనుసంధానాన్ని నాగార్జున సోషల్ మీడియా వేదికగా ప్రకటించారు. "మా కుమారుడు నాగచైతన్య, శోభిత ధూళిపాళ్ల నిశ్చితార్థాన్ని ఈరోజు ఉదయం 9:42 గంటలకు జరుపుకున్నాము! ఆమెను మా కుటుంబంలోకి ఆహ్వానించడం చాలా ఆనందంగా ఉంది. ఈ జంటకు జీవితాంతం ప్రేమ, సంతోషం ఉండాలని ఆకాంక్షిస్తున్నాము," అని నాగార్జున ట్వీట్ చేశారు.

ఈ సందర్భంగా నాగచైతన్య, శోభిత ధూళిపాళ్లతో నాగార్జున దిగిన ఫొటో సోషల్ మీడియాలో వైరల్‌గా మారింది. నాగార్జున ఎడమ, కుడి వైపులా శోభిత - చైతన్య నిలబడి సంతోషంతో చిరునవ్వులు చిందిస్తున్నారు. ఆ ఫొటోతో ఈ నూతన జంటకు సోషల్ మీడియాలోనుంచి అభినందనలు వెల్లువెత్తాయి. ఈ ఇద్దరు అద్భుతమైన కొత్త జీవితం ప్రారంభించడం ఎంతో సంతోషంగా ఉంది . వారి ప్రయాణం ఆశీస్సులు పొందాలని కోరుకుంటున్నాము," అని అభిమానులు విషెస్ అందిస్తున్నారు.

నాగచైతన్యకు ఇది రెండో వివాహం. 2021లో తన మొదటి భార్య సమంత నుంచి విడిపోయారు. ఆ తరువాత తన కెరీర్‌ను దృష్టిలో ఉంచుకొని ముందుకు సాగారు. శోభితతో నాగచైతన్యతో ఉన్న రిలేషన్ గురించి గత కొంత కాలంగా చర్చలు జరుగుతున్నాయి. వీరి డేటింగ్ రూమర్స్ అప్పట్నుంచి వార్తల్లో నిలిచాయి.

అయితే, ఇప్పుడు ఎంగేజ్‌మెంట్ జరిగిపోవడంతో ఈ జంట త్వరలోనే వివాహం చేసుకోనున్నారని తెలుస్తోంది. ముహూర్తం కూడా ఖరారు అయినట్లు సమాచారం. అక్కినేని ఫ్యామిలీ మరియు శోభిత కుటుంబాలు సంతోషంతో ఈ వేడుకను జరిపించాయి. ఇక త్వరలోనే పెళ్లికి సంబంధించిన మరొక న్యూస్ పై అఫీషియల్ క్లారిటీ వచ్చే అవకాశం ఉంది. నాగార్జున చేసిన ఈ ప్రకటనకు తెలుగు సినీ ప్రముఖులు, అభిమానులు సంతోషం వ్యక్తం చేస్తూ శుభాకాంక్షలు తెలియజేస్తున్నారు. ఇలాంటి పండగ వాతావరణంలో అక్కినేని ఇంట పెళ్లి బాజాలు మోగడం ఆనందకరమైన విషయం.