పవన్ హిట్ టైటిల్తో నితిన్ కొత్త మూవీ.. డైరెక్టర్ ఎవరంటే?
నితిన్కు పవన్ కల్యామ్ అంటే ఎంతో ఇష్టమో తెలిసిన విషయమే. ఆయనకు నితిన్ వీరాభిమాని. ఈ విషయాన్ని పలు సందర్భాల్లో కూడా చెప్పుకొచ్చాడు.
టాలీవుడ్‌ హీరో నితిన్ రీసెంట్గా మాచర్ల నియోజకవర్గం బాక్సాఫీస్ వద్ద డిజాస్టర్ టాక్ అందుకున్న సంగతి తెలిసిందే. అయితే ఇప్పుడాయన తన కొత్త సినిమాను ప్రకటించడంతో పాటు సెట్స్పైకి కూడా తీసుకెళ్లారు. 'వకీల్ సాబ్' ఫేమ్ డైరెక్టర్ వేణు శ్రీరామ్‌తో ఈ చిత్రాన్ని పట్టాలెక్కించారు.
సినిమా పూజా కార్యక్రమాలతో హైదరాబాద్‌లో ప్రారంభమైంది. ఈ కార్యక్రమానికి చిత్రబృందంతో పాటు దర్శకులు వంశీ పైడిపల్లి, అనిల్ రావిపూడి సహా పలువురు హాజరై సందడి చేశారు. మూవీటీమ్కు ఆల్ ది బెస్ట్ చెప్పారు. శ్రీ వెంకటేశ్వర క్రియేషన్స్ బ్యానర్పై దిల్ రాజు ఈ చిత్రాన్ని నిర్మించబోతున్నారు.
అయితే ఈ సినిమా టైటిల్ అనౌన్స్మెంట్తో సినీ ప్రియుల్లో అంచనాలను పెంచేశారు మేకర్స్. పవర్ స్టార్ పవన్ కల్యాణ్ నటించిన సూపర్ హిట్ మూవీ 'తమ్ముడు' టైటిల్‌ను తమ చిత్రానికి ఖరారు చేశారు.
ఈ విషయాన్ని హీరో నితిన్ సోషల్ మీడియాలో పోస్ట్ చేస్తూ సంతోషాన్ని వ్యక్తం చేశారు. 'కొన్ని టైటిల్స్ ఎంతో బాధ్యతను పెంచేలా వస్తాయి. ఈ సినిమా మీ అంచనాలను మించేలా ఉంటుంది. నా కొత్త సినిమా వేణు శ్రీరామ్, దిల్ రాజు గారితోనే' అంటూ క్యాప్షన్ రాసుకొచ్చారు.
నితిన్కు పవన్ కల్యామ్ అంటే ఎంతో ఇష్టమో తెలిసిన విషయమే. ఆయనకు నితిన్ వీరాభిమాని. ఈ విషయాన్ని పలు సందర్భాల్లో కూడా చెప్పుకొచ్చాడు. అందుకే ఇప్పుడు పవన్ టైటిల్ రానుండటం వల్ల మూవీ ఫ్యాన్స్ ఆశలు పెట్టేసుకుంటున్నారు. ఇక ఈ చిత్రం ప్రీ ప్రొడక్షన్ వర్క్ జరుపుకుంటున్నట్లు సమాచారం అందింది. త్వరలోనే రెగ్యూలర్ షూటింగ్ మెదలు పెడతారని తెలిసింది. అలాగే సినిమాలో నటించే నటీనటులు, పని చేయబోయే ఇతర టెక్నీషియన్ల వివరాలను తెలియజేయనున్నారు.
ఇంకా నితిన్ ఈ సినిమాతో పాటు పలు చిత్రాలను చేస్తున్నారు. 'భీష్మ' తర్వాత సరైన హిట్ కోసం ఎదురుచస్తున్న ఆయన.. ప్రస్తుతం వెంకీ కుడుములతో ఓ చిత్రం, వక్కంతం వంశీతో మరో సినిమా చేస్తున్నారు. ఇవి రెండు సెట్స్పైన ఉన్నాయి. ఈ మూడు చిత్రాలతో ఎలాగైనా గట్టి సక్సెస్ను అందుకోవాలని నితిన్ ప్రయత్నిస్తున్నారు.