జిమ్ లో బీస్ట్ రెసిపీ.. సూపర్ స్టార్ సూపర్ కమిట్మెంట్..!

సోషల్ మీడియా వచ్చాక స్టార్స్ అంతా కూడా తమ ఫ్యాన్స్ కి చాలా దగ్గరగా వచ్చారు. ఇదివరకు స్టార్ హీరో ఏం చేస్తున్నారు.. ఎలా ఉన్నారు అన్నది ప్రత్యేకంగా వీడియో బయటకు వస్తే తప్ప బయటకు తెలిసేది కాదు కానీ ఇప్పుడు సోషల్ మీడియా వల్ల స్టార్స్ జీవితాలన్నీ ఫ్యాన్స్ ముందే ఉంటున్నాయి. వారు ఏం చేస్తున్నారన్నది నిమిషాల్లో తెలిసిపోతుంది. సెలబ్రిటీస్ కూడా ఫ్యాన్స్ ని సర్ ప్రైజ్ చేస్తూ వారి వ్యక్తిగత విషయాలను కూడా షేర్ చేస్తున్నారు. అందుకే స్టార్ సోషల్ మీడియా ఫాలోవర్స్ గురించి కూడా ప్రత్యేకంగా చెప్పుకుంటారు.

దాదాపు టాలీవుడ్ స్టార్స్ అంతా కూడా తమ అభిమానులతో రెగ్యులర్ టచ్ లో ఉంటారు. వారికి సంబంధించిన విషయాలను ఎప్పటికప్పుడు సోషల్ మీడియాలో షేర్ చేస్తూ ఉంటారు. ఈ క్రమంలో సూపర్ స్టార్ మహేష్ ఇంకాస్త ఎక్కువగా తన ఫ్యాన్స్ తో టచ్ లో ఉంటారు. మహేష్ తన ప్రతి అప్డేట్ ని సోషల్ మీడియా ఫ్లాట్ ఫాం ట్విట్టర్, ఇన్ స్టాగ్రాం లో పెడుతుంటారు. ముఖ్యంగా ఆయన జిమ్ వర్క్ అవుట్ ఫోటోస్, వీడియోస్ సోషల్ మీడియాలో షేర్ చేస్తుంటారు. అలా షేర్ చేయడం వల్ల తన ఫ్యాన్స్ లో కొందరైనా సరే పర్సనల్ కేర్, ఫిజిక్ మెయింటెనెన్స్ చేస్తారని ఆశిస్తారు.

ఇక లేటెస్ట్ గా మహేష్ జిమ్ లో ఉన్న ఒక ఫోటోని షేర్ చేశారు. జిమ్ లో తన ట్రైనర్ మరో ఇద్దరు వ్యక్తులు ఉన్న ఫోటోని మహేష్ సోషల్ మీడియాలో పెట్టారు. తెర మీద అందంగా కనిపించే మహేష్ వెనక ఇంత కష్టం ఉంటుందని తెలుస్తుంది. జిమ్ లో కూడా ఎంత కష్టపడుతున్నా ముఖం మీద చిరునవ్వుతో మహేష్ సూపర్ అనిపించారు. జిమ్ ఫోటో షేర్ చేస్తూ ది బీస్ట్ రెసిపీ అంటూ కామెంట్ పెట్టారు మహేష్. కఠినమైన వర్క్ షెడ్యూల్స్ తో జిమ్ లో గడుపుతున్నారు మహేష్. అందుకే ఈ ఏజ్ లో కూడా మహేష్ కుర్రాడిలా కనిపిస్తున్నారు. త్రివిక్రమ్ డైరెక్షన్ లో గుంటూరు కారం సినిమా చేస్తున్న మహేష్ ఆ సినిమా తర్వాత రాజమౌళితో కలిసి పనిచేయనున్నారు.

రాజమౌళి సినిమా కోసం మహేష్ పర్ఫెక్ట్ బాడీ షేప్ ని సిద్ధం చేసుకుంటున్నారు. 2024 మొదట్లో మహేష్ 29వ సినిమా సెట్స్ మీదకు వెళ్తుందని తెలుస్తుంది. కె.ఎల్ నారాయణ నిర్మిస్తున్న ఈ సినిమా హాలీవుడ్ సినిమా రేంజ్ కి ఏమాత్రం తగ్గకుండా తెరకెక్కించే ప్లానింగ్ లో ఉన్నారు రాజమౌళి. ఈ సినిమాతో మహేష్ అఫీషియల్ గా పాన్ ఇండియా అటెంప్ట్ చేస్తున్నారు.