నయన మనోహరి నేహా శెట్టి.. అందానికి అందం..

మంగళూరు బ్యూటీ నేహా శెట్టి గురించి ఎంత చెప్పిన తక్కువే అవుతుంది. డీజే టిల్లు సినిమాలో రాధిక పాత్రలో తెలుగు ప్రజల హృదయాలకి నేహా శెట్టి దగ్గరైపోయింది. ఆ సినిమాలో టిల్లుని చీట్ చేసే హీరోయిన్ గా అద్భుతమైన పెర్ఫార్మెన్స్ తో నేహా శెట్టి ఆకట్టుకుంది. ఈ సినిమా ఓ విధంగా నేహా శెట్టిని తెలుగులో స్టార్ యాక్టర్ గా మార్చేసింది.

ఈ ఏడాది గ్యాంగ్స్ ఆఫ్ గోదావరి సినిమాలో రాధిక క్యారెక్టర్ కి కంప్లీట్ అపోజిట్ రోల్ లో నేహా శెట్టి నటించి మెప్పించింది. ఈ క్యారెక్టర్ లో కూడా నేహా శెట్టి తన పెర్ఫార్మెన్స్ తో ఆకట్టుకుంది. ఈ బ్యూటీ కన్నడంలో స్టార్ హీరో గణేష్ కి జోడీగా ముంగారు మళి 2తో తెరంగేట్రం చేసింది. ఈ సినిమా నేహాకి ఆశించిన స్థాయిలో సక్సెస్ ఇవ్వలేదు. తరువాత తెలుగులోకి పూరి జగన్నాథ్ దర్శకత్వంలో ఆకాష్ హీరోగా తెరకెక్కిన మెహబూబా సినిమాతో ఎంట్రీ ఇచ్చింది.

ఈ సినిమా కూడా నేహాకి కమర్షియల్ బ్రేక్ ఇవ్వలేదు. తరువాత గల్లీరౌడీ సినిమాలో కాస్తా ఫన్ టచ్ ఉన్న క్యారెక్టర్ లో నేహా నటించింది. అఖిల్ మోస్ట్ ఎలిజిబుల్ బ్యాచ్ లర్ సినిమాలో సెకండ్ హీరోయిన్ గా ఈ అమ్మడు సందడి చేసింది. డీజే టిల్లు మాత్రం నేహా శెట్టికి కమర్షియల్ గా బ్రేక్ ఇచ్చింది. బెదుర్లంక 2012 చిత్రంలో కార్తికేయకి జోడీగా నటించి సక్సెస్ అందుకుంది.

రూల్స్ రంజన్ లో కిరణ్ అబ్బవరంతో జతకట్టింది. గ్యాంగ్స్ ఆఫ్ గోదావరి నేహా శెట్టి నుంచి చివరిగా ప్రేక్షకుల ముందుకొచ్చింది. ప్రస్తుతం ఆమె హీరోయిన్ గా కొన్ని సినిమాలు చర్చల దశలో ఉన్నాయని తెలుస్తోంది. ఇదిలా ఉంటే నేహా శెట్టి ఇన్ స్టాగ్రామ్ లో చాలా యాక్టివ్ గా ఉంటుంది. రెగ్యులర్ గా గ్లామర్ పిక్స్ ని షేర్ చేస్తూ ఉంటుంది.

ఇదిలా ఉంటే తాజాగా మరో గ్లామరస్ ఫోటోషూట్ ని ఇన్ స్టాగ్రామ్ లో నేహా శెట్టి షేర్ చేసింది. ఇందులో వైట్ కలర్ షర్టు ధరించి ఘాటైన ఫోజులుతో బ్లాక్ అండ్ వైట్ ఫోటోలతో సందడి చేసింది. ఈ లుక్స్ లో నేహా శెట్టి చాలా రొమాంటిక్ గా ఉందనే మాట నెటిజన్లు నుంచి వినిపిస్తోంది. అలాగే అందాన్ని పొగిడేస్తూ ఆమె అభిమానులు డిఫరెంట్ కామెంట్స్ పెడుతున్నారు. మంచి గ్లామర్ రోల్ లో నేహా శెట్టిని సినిమాలలో చూడాలని అనుకుంటున్నట్లు ఫ్యాన్స్ పోస్టులు పెడుతున్నారు.