జ‌గ‌న్‌ కు బాబు గ్రీటింగ్స్‌... థ్యాంక్స్ చెప్పిన వైసీపీ అధినేత‌

వైసీపీ అధినేత, ఏపీ ప్రతిపక్షనేత వైఎస్ జగన్‌ పుట్టినరోజు సందర్భంగా శుభాకాంక్షలు వెల్లువెత్తుతున్నాయి. పార్టీ కార్య‌క‌ర్త‌లు ఈ కార్య‌క్ర‌మం నిర్వ‌హించ‌గా ఆయా పార్టీల‌కు చెందిన నేత‌లు సైతం శుభాకాంక్ష‌లు తెలిపారు. ఏపీ ముఖ్యమంత్రి చంద్రబాబునాయుడు కూడా ఆయనకు ట్విట్టర్‌ ద్వారా జన్మదిన శుభాకాంక్షలు చెప్పారు. జగన్‌ ఆరోగ్యంగా, ఆనందంగా ఉండాలని ఆకాంక్షించారు. బాబు విషెస్‌ కు జగన్‌ థ్యాంక్స్‌ చెప్పారు.

కాగా,  వైఎస్ జగన్‌ కు తెలంగాణ ఎంపీ కల్వకుంట కవిత జన్మదిన శుభాకాంక్షలు తెలిపారు. 'జగన్ అన్న.. మెనీ హ్యాపీ రిటర్న్స్ ఆఫ్ ది డే' అని కవిత ట్వీట్ చేశారు. కవిత ట్వీట్‌ కు జగన్ స్పందించారు. 'థ్యాంక్యూ ఫర్ యువర్ వామ్ విషెస్ క‌విత‌మ్మ‌ ' అని జగన్ రీట్వీట్ చేశారు. జగన్‌ కు పుట్టిన రోజు శుభాకాంక్షలు తెలపమని ఓ నెటిజన్ చేసిన ట్వీట్‌ కు స్పందిస్తూ.. ఎంపీ కవిత ట్వీట్ చేశారు.