దేశాన్ని కుదిపేసిన ఆ ఘోర దుర్ఘటనలో చిత్తూరు యువకుడూ..

వైమానిక దళ హెలికాప్టర్ కూలిపోయి తమిళనాడు ఊటీ కొండల్లో చోటుచేసుకున్న ఘోర దుర్ఘటనలో చీఫ్ ఆఫ్ డిఫెన్స్ స్టాఫ్ (సీడీఎస్) జనరల్ బిపిన్ రావత్ దంపతులు సహా 13 మంది చనిపోయిన ఉదంతం దేశాన్ని కదిలిస్తోంది. సోషల్ మీడియాలో బిపిన్ రావత్ కు నివాళులు వెల్లువెత్తుతున్నాయి. తరతరాలు గా ఆయన కుటుంబం దేశ సేవకు అంకితమైందన్న విషయం తెలిసి మరింత తీవ్ర విచారం వ్యక్తం చేస్తున్నారు. కాగా, ఇదే దుర్ఘటనలో ప్రాణాలు కోల్పోయినవారిలో చిత్తూరు జిల్లా కురబలకోట యువకుడు కూడా ఉన్నారు. ఎగువ రేగడ గ్రామానికి చెందిన సాయితేజ (27) రక్షణ  శాఖలో లాన్స్ నాయక్‌గా విధులు నిర్వహిస్తున్నారు. జనరల్ బిపిన్ రావత్‌కు వ్యక్తిగత భద్రతాధికారి వ్యవహరిస్తున్నారు. సాయితేజ 1994లో జన్మించారు. 2013లో ఆర్మీలో చేరారు. ఆయనకు భార్య, కుమారుడు, కుమార్తె ఉన్నారు. పిల్లల చదువుల కోసం నివాసాన్ని మదనపల్లికి మార్చారు