కక్కుర్తికి బ్రాండ్ అంబాసిడర్ .. 'ఫ్రీ' గా ప్రయాణం చేయడానికి అంబులెన్స్ కి ఫోన్ !
108 అంబులెన్స్ .. ఆపద సమయంలో ప్రాణాన్ని రక్షించే ఆపద్భాందవుడు. ప్రభుత్వం నడుపుతున్న ఈ పథకం పై ఎంతోమంది ప్రముఖులు ప్రశంసల వర్షం కురిపిస్తుంటారు. ప్రమాదం జరిగినా వెంటనే ఎవరికైనా 108 కి కాల్ చేయాలి అన్న ఆలోచనే మొదటగా వస్తుంది అంటే .. దాని ప్రాముఖ్యత ఏమిటో అర్థం చేసుకోవచ్చు. అయితే అలాంటి సర్వీసుతో ఓ వ్యక్తి ఆటలాడుతున్నాడు. తాను ఫలానా చోటికి వెళ్లాల్సిన ఉన్న ప్రతిసారి రోగం వచ్చినట్లు నాటకమాడి 108కి కాల్ చేయడం, అంబులెన్స్‌లో ఫ్రీగా ప్రయాణం చేయడం అతడికి అలవాటుగా మారింది. అతగాడి నిర్వాకాన్ని రెండు మూడుసార్లు ప్రత్యక్షంగా చూసిన అంబులెన్స్ సిబ్బంది ఈసారి మాత్రం గ్రామస్థుల సమక్షంలో నిలదీయడంతో బిక్కమొహం వేశాడు.
వివరాల్లోకి వెళ్తే .. ఈ ఘటన నిర్మల్ జిల్లాలో వెలుగుచూసింది. నిర్మల్ జిల్లాలోని ఓ గ్రామానికి చెందిన యువకుడు తనకు ఏ రోగం లేకున్నా తరుచూ 108కి కాల్ చేస్తున్నాడు. అంబులెన్స్ రాగానే టిప్‌ టాప్ గా రెడీ అయిపోయి దుప్పటి, బ్యాగుతో సిద్ధంగా ఉంటాడు. తనకు ఎక్కడ పని ఉందో ఆ ప్రాంతంలోని ఆస్పత్రికి తీసుకుపోవాలని అంబులెన్స్ సిబ్బందికి చెబుతాడు. అతడి నిర్వాకాన్ని రెండు మూడు సార్లు చూసిన సిబ్బంది చీవాట్లు పెట్టినా అతడిలో ఏ మాత్రం మార్పు రాలేదు. తాజాగా మరోసారి 108కి ఫోన్ చేయడంతో అంబులెన్స్ హుటాహుటిన గ్రామానికి వచ్చింది. మళ్లీ ఆ వ్యక్తే ఫోన్ చేశాడని తెలుసుకున్న అంబులెన్స్ సిబ్బందికి కోపం నషాళానికి అంటింది. వాహనంలోకి ఎక్కకుండా ఆపేసి చెడామడా తిట్టిపోశారు. ప్రాణాపాయ స్థితిలో ఉన్నవారిని కాపాడేందుకు ఏర్పాటు చేసిన అంబులెన్స్ సర్వీసుని దుర్వినియోగం చేయడం కరెక్ట్ కాదని గడ్డి పెట్టారు.
ఏం జరిగిందో తెలుసుకునేందుకు అక్కడికి చేరుకున్న గ్రామస్థులకు ఆ వ్యక్తి చేసిన నిర్వాకాన్ని చెప్పడంతో వారు కూడా అతడిని తిట్టిపోశారు. ఈ వీడియోను ఓ వ్యక్తి సోషల్‌మీడియాలో పోస్ట్ చేయడంతో నెటిజన్లు తమదైన శైలిలో స్పందిస్తున్నారు. పిచ్చ క్రేజీ అని మరికొందరు, మండిపోతున్న పెట్రోల్ రేట్లకు చక్కని పరిష్కారం అని ఇంకొందరు, నువ్వు మగాడ్రా బుజ్జి అని కొందరు కామెంట్ చేశారు. అలాగే అతడి కాళ్లు , చేతులు విరగొట్టి అంబులెన్స్ లో తీసుకోని వెళ్లి హాస్పిటల్ లో వేయండి అంటూ కొందరు ఫైర్ అవుతున్నారు.
వివరాల్లోకి వెళ్తే .. ఈ ఘటన నిర్మల్ జిల్లాలో వెలుగుచూసింది. నిర్మల్ జిల్లాలోని ఓ గ్రామానికి చెందిన యువకుడు తనకు ఏ రోగం లేకున్నా తరుచూ 108కి కాల్ చేస్తున్నాడు. అంబులెన్స్ రాగానే టిప్‌ టాప్ గా రెడీ అయిపోయి దుప్పటి, బ్యాగుతో సిద్ధంగా ఉంటాడు. తనకు ఎక్కడ పని ఉందో ఆ ప్రాంతంలోని ఆస్పత్రికి తీసుకుపోవాలని అంబులెన్స్ సిబ్బందికి చెబుతాడు. అతడి నిర్వాకాన్ని రెండు మూడు సార్లు చూసిన సిబ్బంది చీవాట్లు పెట్టినా అతడిలో ఏ మాత్రం మార్పు రాలేదు. తాజాగా మరోసారి 108కి ఫోన్ చేయడంతో అంబులెన్స్ హుటాహుటిన గ్రామానికి వచ్చింది. మళ్లీ ఆ వ్యక్తే ఫోన్ చేశాడని తెలుసుకున్న అంబులెన్స్ సిబ్బందికి కోపం నషాళానికి అంటింది. వాహనంలోకి ఎక్కకుండా ఆపేసి చెడామడా తిట్టిపోశారు. ప్రాణాపాయ స్థితిలో ఉన్నవారిని కాపాడేందుకు ఏర్పాటు చేసిన అంబులెన్స్ సర్వీసుని దుర్వినియోగం చేయడం కరెక్ట్ కాదని గడ్డి పెట్టారు.
ఏం జరిగిందో తెలుసుకునేందుకు అక్కడికి చేరుకున్న గ్రామస్థులకు ఆ వ్యక్తి చేసిన నిర్వాకాన్ని చెప్పడంతో వారు కూడా అతడిని తిట్టిపోశారు. ఈ వీడియోను ఓ వ్యక్తి సోషల్‌మీడియాలో పోస్ట్ చేయడంతో నెటిజన్లు తమదైన శైలిలో స్పందిస్తున్నారు. పిచ్చ క్రేజీ అని మరికొందరు, మండిపోతున్న పెట్రోల్ రేట్లకు చక్కని పరిష్కారం అని ఇంకొందరు, నువ్వు మగాడ్రా బుజ్జి అని కొందరు కామెంట్ చేశారు. అలాగే అతడి కాళ్లు , చేతులు విరగొట్టి అంబులెన్స్ లో తీసుకోని వెళ్లి హాస్పిటల్ లో వేయండి అంటూ కొందరు ఫైర్ అవుతున్నారు.