చిత్తూరు జిల్లాలో క్షుద్రపూజలు కలకలం రేగింది. చిత్తూరు జిల్లాలోని కుప్పంలో గల వైసీపీ కార్యాలయం ముందు క్షుద్రపూజల చేసినట్లు ఆనవాలు కనిపించడం తో అక్కడ కలకలం రేపింది. కుప్పంలోని బైపాస్ రోడ్‌ లోని పార్టీ ఆఫీసు గేటు ముందు ఎవరో గుర్తు తెలియని వ్యక్తులు క్షుద్రపూజలు నిర్వహించిన ఆనవాళ్లు కనిపించాయి. పసుపు, కుంకుమ, టెంకాయ, నిమ్మకాయలతో పూజలు చేశారు గుర్తు తెలియని వ్యక్తులు. ఈ విషయం ఇప్పుడు కుప్పంలో చర్చనీయాంశంగా మారింది. ఈ క్షుద్రపూజల ఘటన పై పోలీసులు విచారణ చేస్తున్నారు. అవి అసలు క్షుద్ర పూజలేనా అన్న కోణంలో లోతుగా దర్యాప్తు చేస్తున్నారు. మరోవైపు, కొందరు నీచ రాజకీయాలకు పాల్పడుతున్నారని వైసీపీ నేతలు ఆ ఘటన పై విమర్శించారు. ఇలాంటి వాటికి భయపడేది లేదని వారు చెప్పారు.