మెగాస్టార్ చిరంజీవి త‌న మేన‌ల్లుళ్ల మీద ఫోక‌స్ పెట్టిన‌ట్లు.. వాళ్ల‌కు తోడ్పాటు అందించిన‌ట్లు అక్కినేని నాగార్జున త‌న మేన‌ల్లుళ్ల మీద దృష్టిపెట్ట‌ట్లేద‌ని ఓ విమ‌ర్శ ఉంది. సుమంత్‌.. సుశాంత్ హీరోలుగా నిల‌దొక్కుకోవ‌డానికి చాలా శ్ర‌మిస్తున్న నేప‌థ్యంలో ఇలాంటి కామెంట్లు వ‌స్తున్నాయి. ఐతే ఈ మాట‌లు నాగార్జున చెవిన కూడా ప‌డ్డాయో ఏంటో.. త‌న చిన్న మేన‌ల్లుడు సుశాంత్ కోసం త‌న వంతు తోడ్పాటు అందించ‌డానికి సిద్ధ‌మైన‌ట్లున్నాడు. సుశాంత్ కొత్త సినిమా ‘ఆటాడుకుందాం రా’ కోసం త‌న కొడుకులిద్ద‌రినీ రంగంలోకి దించాడు నాగ్‌. ఈ సినిమాలో చైతూ-అఖిల్ ఇద్ద‌రూ త‌ళుక్కుమ‌న‌బోతుండ‌టం విశేషం.
నాగ‌చైత‌న్య ‘ఆటాడుకుందాం రా’లో క్యామియో రోల్ చేస్తుండ‌గా.. అఖిల్ ఒక స్పెష‌ల్ సాంగ్ చేస్తుండ‌టం విశేషం. ఈ విష‌యాన్ని సీనియ‌ర్ పీఆర్వో బీఏ రాజు క‌న్ఫ‌మ్ చేశారు. మ‌నం తర్వాత అక్కినేని అన్న‌ద‌మ్ములిద్ద‌రూ ఒక సినిమాలో క‌నిపించ‌బోతోంది ‘ఆటాడుకుందాం రా’లోనే. ఇప్ప‌టిదాకా సుశాంత్ స‌క్సెస్ రుచి చూడ‌లేదు. చేసిన మూడు సినిమాలూ ఫ్లాపులే. ఈ నేప‌థ్యంలో ‘ఆటాడుకుందాం రా’ అత‌డి కెరీర్ కు ఎంతో కీల‌కం. ఐతే ఈ సినిమాకు అనుకున్న స్థాయిలో హైప్ రాలేద‌నుకుంటున్న త‌రుణంలో చైతూ-అఖిల్ ఈ సినిమాలో ఉన్నార‌న్న స‌మాచారం సినిమాకు క‌లిసొచ్చేదే. మ‌రి ఈ సినిమాలో కొడుకుల‌తో పాటు నాగార్జున కూడా త‌ళుక్కుమంటాడేమో చూడాలి.
నాగ‌చైత‌న్య ‘ఆటాడుకుందాం రా’లో క్యామియో రోల్ చేస్తుండ‌గా.. అఖిల్ ఒక స్పెష‌ల్ సాంగ్ చేస్తుండ‌టం విశేషం. ఈ విష‌యాన్ని సీనియ‌ర్ పీఆర్వో బీఏ రాజు క‌న్ఫ‌మ్ చేశారు. మ‌నం తర్వాత అక్కినేని అన్న‌ద‌మ్ములిద్ద‌రూ ఒక సినిమాలో క‌నిపించ‌బోతోంది ‘ఆటాడుకుందాం రా’లోనే. ఇప్ప‌టిదాకా సుశాంత్ స‌క్సెస్ రుచి చూడ‌లేదు. చేసిన మూడు సినిమాలూ ఫ్లాపులే. ఈ నేప‌థ్యంలో ‘ఆటాడుకుందాం రా’ అత‌డి కెరీర్ కు ఎంతో కీల‌కం. ఐతే ఈ సినిమాకు అనుకున్న స్థాయిలో హైప్ రాలేద‌నుకుంటున్న త‌రుణంలో చైతూ-అఖిల్ ఈ సినిమాలో ఉన్నార‌న్న స‌మాచారం సినిమాకు క‌లిసొచ్చేదే. మ‌రి ఈ సినిమాలో కొడుకుల‌తో పాటు నాగార్జున కూడా త‌ళుక్కుమంటాడేమో చూడాలి.