బాహుబలిని ఎదిరిస్తున్న విదేశీ వీరులు

బాహుబలి మూవీలో మాహిష్మతిని ఎదిరించిన కాలకేయుడిని చంపేశాక.. సినిమాలో హీరోకి అడ్డుగా నిలిచేది భల్లాలదేవుడే అనే విషయం అర్ధమమవుతూనే ఉంటుంది. మరి విదేశీ వీరులు ఎక్కడి నుంచి వచ్చారా అనుకోవచ్చు. కానీ.. బాహుబలి కామిక్ బుక్ కథలో బోలెడంత మంది విలన్స్ ఉన్నారు.

సినిమాలో అంటే లిమిటేషన్స్ ఉంటాయి. కానీ పుస్తకంలో అయితే క్రియేటివిటీకి అడ్డుకట్ట వేయాల్సిన అవసరం లేదు. బెంగళూరులో జరుగుతున్న కామిక్ కాన్ ఈవెంట్లో.. 'బాహుబలి: బ్యాటిల్ ఆఫ్ స్వోర్డ్' అనే పేరుతో కామిక్ బుక్ ని రిలీజ్ చేశారు. ఇందులో బాహుబలి.. భల్లాలదేవులతో పాటు.. మాహిష్మతిలో ఉండే ఇతర కేరక్టర్స్ దాదాపు మనకు తెలిసినవే. అయితే.. మాహిష్మతిని ఎదిరించే విలన్స్ ను మాత్రం బోలెడంతమందిని పట్టుకొచ్చారు.

పర్షియా.. హిమాంషి.. మంగోలియా.. నోర్స్ ల్యాండ్స్.. కాంగో.. ఇలా రకరకాల ప్రాంతాల నుంచి విలన్స్ వచ్చి మాహిష్మతిని ఎదిరించేస్తుంటారు. ఇది.. కామిక్ సిరీస్ కావడంతో.. ఇలాంటివి చాలానే అవసరంలే. అయితే.. సినిమాకి.. కామిక్ బుక్ లో స్టోరీకి సంబంధం ఉండదని చెబుతోంది బాహుబలి టీం.


Like Us on Facebook : https://www.facebook.com/Tupakidotcom/