భారతీయుడు 2 'సౌర' - అనిరుధ్ మరో హై వోల్టేజ్ ట్రాక్
చివరికి సొంత కొడుకుని కూడా అవినీతికి పాల్పడ్డాడని సేనాపతి చంపేసి విదేశాలకి వెళ్ళిపోతాడు.
1996లో కమల్ హాసన్ హీరోగా శంకర్ దర్శకత్వంలో వచ్చిన భారతీయుడు మూవీ ఎంత పెద్ద హిట్ అయ్యిందో అందరికి తెలిసిందే. ఆ చిత్రంలో ఫ్రీడమ్ ఫైటర్ గా సేనాపతి పాత్రలో కమల్ హాసన్ జీవించేశాడు. మర్మకళతో సమాజంలో అవినీతిపరులని హత్య చేసే వాడిగా కమల్ హాసన్ సేనాపతి పాత్ర ఆ చిత్రంలో ఉంటుంది. చివరికి సొంత కొడుకుని కూడా అవినీతికి పాల్పడ్డాడని సేనాపతి చంపేసి విదేశాలకి వెళ్ళిపోతాడు.
సేనాపతి పాత్రని శంకర్ మళ్ళీ 28 ఏళ్ళ తర్వాత ఇండియన్ 2 ద్వారా మరోసారి ప్రేక్షకుల ముందుకి తీసుకొని రాబోతున్నారు. ఈ సారి మరింత పవర్ ఫుల్ గా సమాజంలో అవినీతి, అక్రమాలపై సేనాపతి పోరాటం ఉండబోతోందని శంకర్ చూపించబోతున్నాడనే టాక్ వినిపిస్తోంది. పాన్ ఇండియా రేంజ్ రిలీజ్ అవుతోన్న ఈ చిత్రానికి ఒక్కో భాషలో ఒక్కో టైటిల్ ని శంకర్ పెట్టారు.
తెలుగులో భారతీయుడు 2, హిందీలో హిందుస్థాన్ 2 టైటిల్స్ తో రిలీజ్ కాబోతోంది. జులై 12న ఈ సినిమాని రిలీజ్ చేస్తున్నట్లు చిత్ర యూనిట్ ప్రకటించింది. ఈ సీక్వెల్ లో స్టార్ క్యాస్టింగ్ నటిస్తున్నారు. రకుల్ ప్రీత్ సింగ్, సిద్ధార్ధ్ లాంటి స్టార్స్ కీలక పాత్రలలో కనిపిస్తున్నారు. భారతీయుడు సినిమాకి ఏఆర్ రెహమాన్ మ్యూజిక్ అందించగా ప్రస్తుతం భారతీయుడు 2కి కోలీవుడ్ సెన్సేషన్ అనిరుద్ రవిచందర్ సంగీతం సమకూర్చుతున్నారు.
కచ్చితంగా ఈ మూవీ వండర్స్ క్రియేట్ చేస్తుందని సినీ విశ్లేషకులు అభిప్రాయం పడుతున్నారు. ఇదిలా ఉంటే భారతీయుడు 2 నుంచి ఫస్ట్ సింగిల్ ని రిలీజ్ చేశారు. సౌర అనే ఈ లిరికల్ వీడియో సినిమాలో చాలా కీలకంగా ఉండనోతున్నట్లు తెలుస్తోంది. హీరోకి ఎలివేషన్ ఇచ్చేలా అనిరుధ్ కంపోజ్ చేసిన విధానం హైలెట్ గా నిలిచింది. తెలుగులో ఈ పాటను సుద్దాల అశోక్ తేజ రచించారు. లైకా ప్రొడక్షన్, రెడ్ జెయింట్ సంయుక్తంగా భారీ బడ్జెట్ తో ఈ చిత్రాన్ని నిర్మిస్తున్నాయి.
ఇక శంకర్ సుదీర్ఘ గ్యాప్ తీసుకొని ఇండియన్ 2 సినిమాని తమిళంలో తెరకెక్కించారు. అనేక అవాంతరాలు ఎదుర్కొని ఫైనల్ గా రిలీజ్ కి రెడీ అవుతోంది. సేనాపతి క్యారెక్టర్ లో కమల్ హాసన్ చేసే విధ్వంసాన్ని చూడటానికి ప్రేక్షకులు కూడా ఆసక్తిగా ఎదురుచూస్తున్నారు. గత ఏడాది అనిరుద్ జైలర్, లియో సినిమాలకి అద్భుతమైన మ్యూజిక్ అందించి వాటి సక్సెస్ లో భాగం అయ్యాడు. అలాగే కమల్ హాసన్ విక్రమ్ మూవీకి కూడా అనిరుద్ సూపర్ హిట్ బ్యాగ్రౌండ్ స్కోర్ ని అందించాడు. ఈ నేపథ్యంలో ఇండియన్ 2కి కూడా బెస్ట్ మ్యూజిక్ ఇస్తాడనే అభిప్రాయం కమల్ హాసన్ అభిమానుల్లో ఉంది.