మహర్షిని చూసి పడిపోయే మీనాక్షి!

సూపర్ స్టార్ మహేష్ బాబు కొత్త సినిమా 'మహర్షి' మే 9 న రిలీజ్ కానుంది.  ఇప్పటికే ఈ సినిమానుండి మొదటి సింగిల్ 'ఛోటి ఛోటి బాతే' రీసెంట్ గా రిలీజ్ అయింది.  ఓవరాల్ గా  పాట బాగానే ఉన్నప్పటికీ కొంతమంది జనాలు మాత్రం దేవీ గాత్రంపై పెదవి విరుస్తున్నారు. ఒక్కోసారి దేవీ పాటలపై విమర్శలు వస్తాయి..  స్లో గా అవే హిట్ అయిపోతాయి. ఈ సంగతి పక్కనపెడితే ఈ సినిమాలో మీనాక్షి దీక్షిత్ ఒక క్యామియోలో నటిస్తోందని ఇప్పటికే వార్తలు వచ్చాయి. ఈ మీనాక్షి గురించి మరో ఇంట్రెస్టింగ్ అప్డేట్ బైటకు వచ్చింది.

ఇంతకీ ఈ మీనాక్షి ఎవరో తెలుసా? మహేష్ బాబు సూపర్ హిట్ సినిమా 'దూకుడు' సినిమా టైటిల్ సాంగ్ లో ఈ భామ తళుక్కుమని మెరిసింది.  మళ్ళీ ఇప్పుడు ఇన్నేళ్ళ తర్వాత మహేష్ సినిమాలో నటిస్తోంది.  ఈ సినిమాలో మహేష్ కు అమెరికా ఎపిసోడ్ లో ఒక కొలీగ్ పాత్రలో కనిపిస్తుందట.  మెయిన్ హీరోయిన్ పూజా హెగ్డే అయినప్పటికీ మహేష్- మీనాక్షిల మధ్య కాస్త రొమాన్స్ టచ్ కూడా ఉంటుందని సమాచారం.   మరి ఆ రొమాన్స్ ఎంత రేంజ్ లో ఉంటుందనేది సినిమా చూస్తే కానీ తెలిసేలా లేదు.  రీసెంట్ గా 'మహర్షి' గురించి మాట్లాడుతూ మహేష్ బాబు తో పని చేయడం ఒక సూపర్ ఎక్స్ పీరియెన్స్ అని చెప్పింది..  మహేష్ ప్రొఫెషనలిజంకు సాటిలేదని కితాబిచ్చింది.

వంశీ పైడిపల్లి దర్శకత్వంలో తెరకెక్కుతున్న ఈ సినిమా మహేష్ కెరీర్ లో 25 వ చిత్రం కావడంతో భారీ అంచనాలున్నాయి.  మరో టాలీవుడ్ హీరో అల్లరి నరేష్ ఈ సినిమాలో ఒక కీలకపాత్రలో నటించాడు.  దిల్ రాజు - అశ్వినిదత్ - ప్రసాద్ వీ పొట్లూరి ఈ సినిమాను సంయుక్తంగా నిర్మిస్తున్నారు.