జ్యోతిక విషయంలో సూర్య భయం..

సూర్య-జ్యోతిక వెండితెరపై సూపర్ హిట్ జోడీ అనిపించుకున్నారు. ‘కాక్క కాక్క’తో పాటు ఇంకా  కొన్ని సూపర్ హిట్లలో వీళ్లిద్దరూ కలిసి నటించారు. ఆపై నిజ జీవితంలో వీళ్లది సూపర్ హిట్ జోడీ అనిపించుకుంది. ఐతే పెళ్లి తర్వాత జ్యోతిక సినిమాలు మానేసింది. ఆరేడేళ్ల పాటు కెమెరా ముందుకే రాలేదు. ఐతే ఏడాది కిందట ‘36 వయదినిలే’తో రీఎంట్రీ ఇచ్చిన జ్యోతికకు మంచి విజయాన్నే అందించారు తమిళ ప్రేక్షకులు. లేటెస్టుగా ‘మగళిర్ మట్టుం’ అనే ఇంకో సినిమా చేస్తోంది జ్యోతిక.

ఇంతకీ జ్యోతిక మళ్లీ మీతో కలిసి ఎప్పుడు నటిస్తుంది అని సూర్యను అడిగితే... ‘‘ఆమె పునరాగమనం నా సినిమాతోనే జరగాల్సింది. గతేడాది మేమిద్దరం కలిసి ఓ సినిమా చేయాల్సింది. కానీ కుదరలేదు. జ్యోతిక మళ్లీ ఎక్కడ సినిమాలు మానేస్తుందో అని నాకు భయంగా ఉంది. ‘నేను నటించడం మానేస్తాను’ అని జ్యోతిక చెప్పక ముందే ఓ సినిమా చేసేయాలి. మంచి స్క్రిప్టు కోసం చూస్తున్నాం’’ అని సూర్య తెలిపాడు.

జ్యోతిక లేటెస్ట్ మూవీ ‘మగళిర్ మట్టుం’ టీజర్ కు అద్భుతమైన రెస్పాన్స్ వస్తున్న నేపథ్యంలో దీన్ని తెలుగులోకి అనువాదం చేస్తారా అని సూర్యను అడిగితే.. ‘‘తప్పకుండా డబ్బింగ్‌ చేస్తాం. ఇది తెలుగు ప్రేక్షకులకు కూడా బాగా నచ్చే సినిమా. జ్యోతిక రీఎంట్రీ మూవీ ‘36 వయదినిలే’ను కూడా అనువాదం చేశాం. తెలుగు డబ్బింగ్‌ కూడా పూర్తయింది. మంచి విడుదల తేదీ కోసం ఎదురుచూస్తున్నాం. పెళ్లైన మహిళల్లో స్ఫూర్తి నింపే చిత్రమది. మగళిర్ మట్టుం చిత్రాన్ని ఒకేసారి తమిళంతో పాటే తెలుగులోనూ రిలీజ్ చేసే ఆలోచన ఉంది’’ అని సూర్య అన్నాడు.


Like Us on Facebook : https://www.facebook.com/Tupakidotcom/