'కల్కి'లో విజయ్ దేవరకొండ.. ఇదే అసలు విషయం

రౌడీ హీరో ది విజయ్ దేవరకొండకు నేషనల్ వైడ్​గా భారీ హిట్ లేనప్పటికీ.. మంచి క్రేజ్ అయితే ఉందన్న సంగతి తెలిసిందే. అయితే విజయ్​ యాక్టింగ్​తో పాటు అతడి ఫ్యాషన్​ సెన్స్​ కూడా యూత్​కు బాగా ఆకట్టుకుంది. అయితే తాజాగా ఆయన సూపర్ హీరో తరహాలో డ్రెస్​ ధరించి దిగిన ఫొటోలను పోస్ట్ చేశారు. అది చూసిన చాలా మంది.. ప్రభాస్ ప్రాజెక్ట్​ కె కల్కిలో విజయ్​ నటిస్తున్నారా అని అనుమానపడ్డారు. తాజాగా దీనిపై ఓ క్లారిటీ వచ్చింది.

వివరాళ్లోకి వెళితే.. ప్రస్తుతం విజయ్ దేవరకొండ 'ఫ్యామిలీ స్టార్' అనే సినిమా చేస్తున్న సంగతి తెలిసిందే. పరుశురాం దర్శకత్వంలో చేస్తున్న ఈ చిత్రం వచ్చే ఏడాది సంక్రాంతికి గ్రాండ్​గా రిలీజ్​ కానుంది. రీసెంట్​గా వచ్చిన ఫస్ట్ లుక్ టీజర్ కూడా ఆడియెన్స్​ను బాగానే అట్రాక్ట్ చేసింది. దీనికి తోడు అందులోని 'ఐరనే వంచాలా ఏంటి..' అనే డైలాగ్​ బాగా వైరల్ అయింది.

ఈ చిత్రంతో పాటు మరిన్ని చిత్రాలను కూడా రౌడీ హీరో లైన్​లో పెడుతున్నారు. అలాగే ఆయన సోషల్​ మీడియాలోనూ ఫుల్​ యాక్టివ్​గా ఉంటారన్న సంగతి తెలిసిందే. ఫొటోషూట్లు చేస్తారు. పర్సనల్ లైఫ్​ విషయాలను పంచుకుంటుంటారు. అలా తాజాగా ఆయన ఓ కొత్త ఫొటోషూట్​ పోస్ట్ చేశారు.

ఇది చూసిన అభిమానులు దానికి ఫిదా అయినప్పటికీ కొత్త అనుమానాలు వారి మెదిలో మొదలయ్యాయి. విజయ్ ఈ పిక్స్​లో సూపర్ హీరో వేషధారణలో కనిపించారు. అందరూ ప్రభాస్ ప్రాజెక్ట్​ కె కల్కిలో రోల్​ చేస్తున్నారేమో అని అంతా అనుకున్నారు. కానీ అది నిజం కాదని తెలిసిందే. థంప్స్​ అప్​ యాడ్ షూటింగ్​ కోసం ఈ ఫొటోషూట్ చేశారటు. దీవాళీ - క్రిస్మస్​ సందర్భంగా ఈ యాడ్ రానుందట. మొత్తానికి విషయమైతే క్లారిటీ అయిపోయింది.

కాగా, విజయ్​ సినిమాలతో పాటు యాడ్స్​ కూడా చేస్తుంటారన్న సంగతి తెలిసిందే. గతంలోనూ ఓ థంప్స్​ అప్ యాడ్ చేశారాయన.